Денес учениците од СУГС „Сарај“ – Скопје беа дел од проектот „Интеретничка интеграција во образованието во Република Северна Македонија“ и имаа можност да го посетат СОУ „Никола Карев“ – Струмица.
Целта на овој проект беше соработка и запознавање на учениците од двете средни училишта преку различни едукативно-спортски активности. Покрај активностите, дел од агендата беа и посета на верски објекти и центарот на градот Струмица.
„ЕКО-ШКОЛА“
Продолжуваат активностите во СУГС „Сарај“ – Скопје. Денес, во соработка со јавното претпријатие Паркови и зеленило – Скопје, беше реализирано садење на цвеќиња со вистински професионализам.
Изразуваме голема благодарност до ЈП Паркови и зеленило – Скопје за соработката и поддршката.
Покрај садењето на цвеќиња и грижата за нивното одржување, нашето училиште го доби статусот „ЕКО-ШКОЛА“.
Целта на активноста е овие цвеќиња да растат здраво, да цветаат и да служат како пример за сите ученици за почиста и поуредена животна средина.
Соработка помеѓу СУГС „Сарај“ и Општина Сарај во рамките на програмата за образование на возрасни.
Претседателот на Општина Сарај, Blerim Bexheti, ја посети СУГС „Сарај“, каде одблиску го следеше текот на воспитно-образовниот процес во програмата за образование на возрасни.
Во оваа прилика, тој оствари средба и со директорот на училиштето Bedri Gjureci, при што ги охрабри за продолжување на досегашната успешна работа и изрази поддршка од страна на Општина Сарај за секоја иницијатива што е во интерес на граѓаните, особено во областа на образованието и воспитанието.
Овој состанок беше оценет како добра можност за понатамошна соработка и заедничко организирање активности од интерес за јавниот живот и граѓаните на Сарај.
За прв пат во Општина Сарај се организираат програми од страна на Министерството за образование и наука, каде образовниот процес го следат возрасни лица.
Од СУГС „Сарај“ информираат дека досега има голем интерес, при што се запишани околу 250 ученици.
Продолжува караванот на успеси во СУГС „САРАЈ“ во областа на информатиката…
Натпреварите за Microsoft Office Specialist се организираат низ целиот свет веќе 14 години по ред. Оваа година, за првпат под организација на „CERTIADRIA“, СУГС „САРАЈ“ учествуваше на ова ниво на тестирање. Меѓу четворицата најуспешни ученици беа токму учениците од нашето училиште: Емир Даути, Исра Јонузи, Јасмина Мамути и Арбреша Ајрула.
Под менторство на професорот Бурим Реџепи, денес, на 04.05.2017 година, тие успешно го поминаа тестирањето организирано на републичко ниво, кое се одржа во Скопје.
Честитки до сите ученици кои учествуваа на овие натпревари. Им го честитаме постигнатиот успех и воедно посакуваме нашето училиште да биде дел од светското финале, а Македонија да биде претставена токму од нашите ученици!
Продолжуваат активностите и работните потфати во СУГС „Сарај“ – Скопје. Денес сите кабинети беа опремени со соодветни нагледни средства, вклучувајќи ги кабинетите по биологија, хемија, физика, математика и историја, како и со спортска опрема за предметот спорт и спортски активности. Сите овие средства и помагала ќе им бидат на располагање на учениците на СУГС „Сарај“ – Скопје за изведување на практичната настава.
Целта на оваа активност е нашето училиште да понуди квалитетно образование, каде што покрај теоретската настава ќе се применува и практичното (визуелно) учење.
Денес учениците од СУГС „САРАЈ“, во соработка со Амбасадата на Франција и Институтот ЗИП, дискутираа на темата „Воведување иновации во работата на граѓанските организации преку СОЦИЈАЛНО ПРЕТПРИЕМНИШТВО“, со цел градење образовен систем кој обезбедува усовршување, оспособување и иновативно учење.
Официјално, СУГС „САРАЈ“ – Скопје ја започна програмата за образование на возрасни за 250 ученици!
Образованието на возрасни е дел од образовниот систем кој овозможува едукација, усовршување, оспособување и учење за возрасните лица.
Официјално е склучен договор за соработка помеѓу средните училишта СУГС „САРАЈ“ – Скопје и СУГС „Цветан Димов“ – Скопје.
Со среќа! (Многу успех!)
Денес во СУГС „САРАЈ“ започна проектот „Учиме за правдата“, кој е во организација на Младинскиот образовен форум (МОФ), а е поддржан од програмата „Цивика мобилитас“.
Целта на овој проект е учениците да ги прошират своите познавања во областа на правдата, демократијата, правниот систем и владеењето на правото.
