Учениците од СУГС „САРАЈ“ – Скопје ја посетија Национална и универзитетска библиотека „Св. Климент Охридски“.
Целта на посетата е учениците да ги развијат своите знаења и вештини, како и одблиску да се запознаат со најголемата библиотека во нашата држава. Од страна на вработените во библиотеката беше направена презентација за библиотеката, од денот на нејзиното основање па сè до денес. На учениците им беше овозможено одблиску да ги разгледаат салите и магацините со книги, се запознаа со начинот на зачленување во оваа библиотека, а исто така имаа можност да поставуваат прашања од областите што ги интересираат. Целата оваа посета беше реализирана под менторство на проф. Hyrjete Nesimi.
